நேபாளம் - நரகத்தில் வாழும் மக்கள்.

20.09.2015 - இடைக்கால அரசியலமைப்புச்சட்டத்தை நீக்கி புதிய அரசியலமைப்புச்சட்டத்தை அமல்படுத்திய நாள். எல்லோரும் மகிழ்வுடன் கொண்டாடவேண்டிய நேரத்தில் நேபாளத்தில் காலம்காலமாய் வாழ்ந்துவரும் மாதேசிகள் என்ற இந்திய வம்சாவழியை சேர்ந்த மக்கள் போராட்டத்தில் குதித்தனர். ஏற்கனவே பூகம்பத்தால் பல ஆயிரம் உயிர்களை பலிகொடுத்து, பல்லாயிரம்கோடி மதிப்புள்ள சொத்துக்களை இழந்து நிமிர முயற்சி செய்யும் நேரத்தில் மாதேசிகளின் கோரிக்கையான அரசியலமைப்பில் திருத்தம் வேண்டிய போராட்டம் விஸ்வரூபமெடுத்தது.

2015, செப்டம்பர் 23ம் தேதி ஆரம்பித்த இந்த போராட்டத்தால் நேபாள நாடே முழுதும் பாதிக்கப்பட்டது. நிலத்தால் சூழப்பட்ட நேபாள நாட்டின் 90 சதவிகித தேவைகளை இந்தியாவே தீர்க்கிறது. போராட்டக்காரர்களின் இலக்கு இந்தியாவிலிருந்துவரும் பொருட்களை நேபாளத்திற்குள் வரவிடாமல் செய்வதே. அதில் வெற்றியும் கண்டதால் நேபாளமே ஸ்தம்பித்தது. மிக மோசமாக அடிவாங்கியது நேபாள தொழில் துறையும், போக்குவரத்துமே. தொழில்களுக்கு தேவையான கச்சாப்பொருள் கிடைக்காததால் நேபாள தொழில்துறை காலவரையின்றி மூடப்பட்டன. எரிபொருள் எதுவும் கிடைக்காததால் வாகனங்கள் ஓடவில்லை, இருக்கும் எரிபொருட்களின் விலையும் பல மடங்கு உயர்ந்தது. வீடுகளில் மண்ணென்ணெய், கேஸ் என ஏதுமின்றி மக்கள் மீண்டும் பழைய முறையான விறகு அடுப்புகளில் சமைக்க வேண்டியிருக்கிறது.

இதன் பாதிப்பு நேபாளத்தின் வருவாயின் உயிர்நாடியான சுற்றுலாத்துறையிலும் எதிரொலிக்கிறது. ஆசிய வங்கியின் கணக்குப்படி இந்த ஆண்டு இருக்க வேண்டிய வளர்ச்சி விகிதமான 4.5 சதவீதம் இந்த போராட்டத்தினால் 1% வளர்ச்சி அடைவதே கடினம் என சொல்லி இருக்கிறது.

யார் இந்த மாதேசிகள்? அவர்களுக்கு என்ன வேண்டும்?

நேபாளத்தின் டெராய் பகுதியைச் சேர்ந்த மக்கள். பெரும்பாலும் இந்தியாவின் பீஹார் மாநிலத்தில் இருந்து குடிபெயர்ந்தவர்கள். நேபாள மக்கள்தொகையில் மூன்றில் ஒரு பங்கினர்.

அவர்களின் கோரிக்கைகள் என்ன?

01. மொத்த மக்கள் தொகையில் மூன்றில் ஒரு பங்கு இருக்கும் எங்களுக்கு விகிதாச்சார அடிப்படையில் அதிக பிரதிநிதித்துவம் தரப்பட வேண்டும்.

02. மாநிலங்கள் பிரித்த வகையில் வேண்டுமென்றே எங்கள் மக்கள் வாழும் பகுதிகளை கூறுபோட்டு எங்களுக்கான பிரதிந்தித்துவம் கிடைக்காமல் செய்ததை திரும்பப்பெற்று மீண்டும் மாதேசிகள் வாழும் பகுதிகளை ஒன்றாக்க வேண்டும்.

மாதேசிகளை பொருத்தவரை புதிய அரசியலமைப்புச் சட்டம் மாதேசிகளின் கோரிக்கைகள், கருத்துகள் எதையும் கேளாமல் வலுக்கட்டாயமாக பாராளுமன்றத்தில் தாக்கல் செய்யப்பட்டது என்பதே. அவர்களின் போராட்டம் உரிமைப்போராட்டம் என்கின்றனர்.

தற்போது இந்த உள்நாட்டுச் சண்டையில் அரசுக்கும், மாதேசிக்கும் நடுவில் பேச்சுவார்த்தை நடத்த முன் வந்திருப்பவர் நேபாள மாவோயிச கம்யூனிஸ்ட் கட்சியைச் சேர்ந்த பிரச்சாந்தா. இவர் எப்போதுமே இந்திய எதிர்ப்பாளர். இவரால் பிரச்சினை அதிகரிக்கலாமே தவிர குறைய வாய்ப்பில்லை. போராட்டக்காரர்களுக்கும், அரசுக்கும் நடுவே பாலமாய் இருக்க விரும்புகிறேன் எனச் சொல்லி இந்த தரகு வேலையில் ஈடுபட்டிருக்கிறார்.

இந்திய அரசின் நிலைப்பாடு

இந்திய அரசாங்கத்தைப்பொருத்தவரை எந்தவித பொருளாதார தடையையும் விதிக்கவில்லை. நேபாளத்தில் நடக்கும் உள்நாட்டுக்கலவரத்தால் வாகனங்களில் பொருளைக்கொண்டு செல்வோர் அச்சப்படுவதால் நேபாளத்திற்குள் பொருட்கள் வரவில்லை. இந்த தடைகளுக்கும், இந்திய அரசுக்கும் எந்தவித சம்பந்தமும் இல்லை என நிலையை தெளிவாக்கியுள்ளது. ஆனால், இது உண்மையா என்றால், பாதி உண்மை, பாதி உண்மை இல்லை.

நேபாளத்தின் மொத்த மக்கள் தொகை 2.8 கோடி மட்டுமே. ஒப்பீட்டுக்கு சொன்னால் சென்னையும் அதைச்சுற்றியுள்ள 8 மாவட்டங்களை சேர்த்தால் இருக்கும் மக்கள் தொகையே நேபாள நாட்டின் மக்கள் தொகை. இந்தியா நினைத்திருந்தால் உதவ வழி கண்டுபிடித்திருக்கலாம். ஆனால், கலவரத்தில் வழிபிறக்கட்டும் என விட்டுவிட்டனர். ஏனெனில், போராட்டக்காரர்கள் இந்திய வம்சாவழியினர் என்பதால்.

நேபாளத்தின் பாராளுமன்றத்தில் உரையாற்றிய பின்னர் பிரதமர் நரேந்திர மோடியைக்குறித்து நேபாள மக்களிடம் பெரும் எதிர்பார்ப்பும், இந்தியா என்ற பெரியண்ணன் நமக்கு நிறைய உதவுவார் என்ற எண்ணமும் இருந்தது. ஆனால், தற்போதைய அறிவிக்கப்படாத பொருளாதார தடையினால் இந்தியா மீதும், இந்திய மத்திய அரசாங்கத்தின் மீதும் பெரும் எரிச்சலையும், இந்திய விரோத மனப்பான்மையையும் கொண்டுவந்திருக்கிறது என்றால் அது மிகையில்லை.

இருதினங்களுக்கு முன்னர் ட்விட்டரில் ட்ரெண்டிங் ஆன ஒரு ஹேஷ் டாக் ‪#‎BackofIndia‬ ‪#‎IndaSTOPbullyingNepal‬ என்பன.

கிட்டத்தட்ட மூன்றுமாதத்திற்கும் மேலான இந்த போராட்டத்தால் அரசியல் சாசனத்தில் சில திருத்தங்களை ஏற்படுத்த ஒத்துக்கொண்டுள்ளது நேபாள பாராளுமன்றம். ஆனால், நேபாள பாராளுமன்றம் செய்வதாக சொல்லி இருக்கும் திருத்தங்கள் தங்களுக்கு திருப்தி கிடையாது எனச் சொல்லி இருக்கிறார்கள் மாதேசிகள்.

இதற்கு நடுவே நிலைமையை சமாளிக்க நேபாளம் சீனாவுடன் சில நீண்டகால ஒப்பந்தங்களை கையெழுத்திட்டுள்ளது, குறிப்பாக தடையற்ற எரிபொருள் சப்ளையும் அதில் அடங்கும். சீனாவுடன் நேபாளம் பகிரும் எல்லைகளில் மேலும் பல எல்லைச்சாவடிகளை அமைத்தும், பழைய எல்லைச்சாவடிகளை புதிப்பிக்கவும் இருநாடுகளும் திட்டமிட்டுள்ளன. நேபாளம் இந்தியாவுடன் உறவு நன்றாக இருக்கும் காலத்திலேயே நேபாளத்தை சீனாவுடன் இணைக்கும் சாலையை இந்திய எதிர்ப்பையும் மீறி செயல்படுத்தியது. அதனால், இதை இந்தியாவுக்கான பின்னடைவு எனக்கொள்ளாமல், தற்காலிக கோபமாக கொள்ளலாம். ஏனெனில், கூப்பிடு தூரத்தில் இருப்பது இந்தியா மட்டுமே. நம்முடனே நேபாளிகள் கொண்டும், கொடுத்தும் வாங்கியும் இருந்திருக்கிறார்கள், நமது மதம், கலாச்சாரம் எல்லாம் பிண்ணிப்பிணைந்தது.

நேபாள பத்திரிக்கைகளின் தலையங்கங்களும் இந்தியா மீது நேபாளிகள் வைத்திருக்கும் நன்மதிப்பை இழந்துகொண்டிருக்கிறது. நேபாளத்தின் சுயமரியாதையை அளவுக்கு மீறி சீண்டினால் இந்திய வெறுப்பு எல்லை மீறும் எனவும் எச்சரிக்கும் வேளையில் ஆளும் அரசாங்கத்திற்கும் பிரச்சினைக்கு சுமூக தீர்வு விரைவில் கண்டு பிரச்சினையை தீர்க்கும்படியும் அறிவுறுத்துகிறது.

எழுதப்படிக்கத்தெரிந்த நேபாளிகள் ட்விட்டரிலும், ஃபேஸ்புக்கிலும் இந்தியாவுக்கு எதிராக எழுதிக்கொண்டுள்ளனர். அவர்களின் வார்த்தைகளில் தெரிவதெல்லாம் இயலாமையும், கோபமுமே. உங்களையே நாங்கள் சார்ந்து இருப்பதால்தான் இப்படி கேவலப்படுத்துகிறீர்கள், அத்யாவசியப்பொருட்கள்கூட கிடைக்காத அளவு எங்களை நெருக்கடிக்கு உள்ளாக்குகிறீர்கள் எனக்கேள்வி எழுப்புகின்றனர்.

இதில், எரியும்வீட்டில் பிடுங்கியது லாபம் என்ற எண்ணத்தில் மணிசங்கர் அய்யர் போன்றோர் எரியும் தீயில் எண்ணெய் ஊற்றும் வேலையை திறம்பட செய்கின்றனர். மாதேசிகள் பிரச்சினையைப்பற்றி ஒரு வார்த்தைக்கூட பேசாமல், நேபாளத்தில் இருக்கும் அறிவிக்கப்படாத பொருளாதாரதடை நரேந்திர மோடி உண்டாக்கியது என என்.டி.டிவியில் கட்டுரை எழுதுகிறார்.

மாதேசிகள் பிரச்சினை, கலவரம், மேலும் இந்திய வாகன ஓட்டுநர்கள் நேபாளத்திற்குள் செல்ல பயப்படுகிறார்கள் என்பதெல்லாம் ஒருபுறம் இருந்தாலும், தனது தேவைகளுக்கு இந்தியாவையே நம்பியிருக்கும் ஒருநாட்டை இப்படி கையை முறுக்குவது சரியல்ல என்பதே எனது எண்ணம்.

இந்திய ஜனநாயகத்தை அழிக்கும் களைகள்

மக்கள் செருப்பாலடித்து மூலையில் உட்கார வைத்தும்கூட இன்னும் திருந்தாமல் ஒரு உருப்படியான விவாதத்திற்குகூட உதவாமல் பாராளுமன்றத்தை முடக்கி நாட்டின் வளர்ச்சியைத்தடுப்பதன் மூலம் காங்கிரஸ் இந்திய நாட்டு மக்களுக்குச் சொல்லாமல் சொல்வது...

நாங்கள் மட்டுமே இந்த நாட்டைக் கொள்ளையடிப்போம்.

எங்களைத்தவிர வேறு யாரும் இந்தநாட்டை ஆளக்கூடாது. அதுவும் இந்தியாவில் பிறந்த காங்கிரஸ் கட்சியினர்கூட கிடையாது, இத்தாலி சோனியாவும், அவரது முட்டாள் மகனும் மட்டுமே ஆளவேண்டும்.

இந்த தேசம் நன்றாய் இருக்க விடமாட்டோம், முடிந்தவரை நாசமாக்குவோம்.

இந்திய ஜனநாயகம் காங்கிரஸ் தலைவர்கள் மற்றும் எம்.பிகள் என்ற சும்பன்களால் கேவலப்படுத்தப்பட்டுக்கொண்டிருக்கிறது. நேற்றைக்கு பூடானின் பாரளுமன்றக்குழுவினர் முன்னிலையில் கேவலப்படுத்தினர்.

காரியக்காரரான முலாயம்சிங்கூட பாராளுமன்ற முடக்கத்திற்கு எதிராய் பேசும் அளவு காங்கிரஸின் அராஜகம் இருக்கிறது.

ராஜ்யசபாவில் பலமில்லை என்பதற்காக இந்த அநியாயங்களையெல்லாம் சகித்துக்கொண்டிருக்கிறது பாஜக. பொய்க்குற்றச்சாட்டுகளுக்கு பொறுப்பாக பதில் சொல்லிக்கொண்டிருக்கிறார்கள் பாஜக தலைகள்.

சுஷ்மா ஸ்வராஜ் நாக்கைப் பிடுங்கிக்கொள்வதுபோல கேவலமாகக்கேட்டும் இன்னும் கேவலமாக சப்தமிட்டுகொண்டிருக்கும் இந்தக் கும்பல்கள் நாட்டின் சாபக்கேடுகள்.

இந்திய ஜனநாயகம் மிக மோசமானதொரு காலகட்டத்தில் இருக்கிறது. இதுவும் கடந்துபோகும் என்றிருக்க வேண்டியதுதான்.

---------------

ராஜ்யசபாவில்  ராகுல்காந்திக்கு

சுயமாக பேசவராதென்றால்கூட தப்பில்லை. யாரோ எழுதிக்கொடுத்ததை வாசிக்கும் அளவுதான் திறமையுள்ளவர் பாரதத்தின் பிரதமராக ஆசைப்படுவது அவர் தப்பில்லை. ஆனால், ஊழல் செய்ய வாய்ப்புக்கிடைக்கும் என்பதற்காக அவரை பிரதமராக்கத் துடிக்கும் காங்கிரஸில் இருக்கும் தேசத்துரோகிகளை நினைத்தால்தான் வயிறு எரிகிறது.

வைகோவின் அரசியல் நிலைப்பாடுகள்..

ஐந்து இந்திய மீனவர்கள் கைதும், விடுதலையும் இலங்கை மற்றும் இந்திய அரசும் போடும் நாடகம்.. வைகோ. (12.11.2014)

வைகோ போன்றோர் எதற்காக அரசியலில் இருக்கிறார்கள் என்பதே தெரியவில்லை. திமுகவில் இருக்கும்போதும், வெளி வந்தபோதும், தனிக்கட்சி தொடங்கியபோதும், கட்சி பாக்கியில்லாமல் மாற்றி மாற்றி கூட்டணி அமைத்தபோதும், நீங்கள் செய்ததற்கு பெயர் என்ன மிஸ்டர் வைகோ? 

ஒரு கூட்டணியில் சேரும்போது சம்பந்தப்பட்ட கட்சித்தலைவரை இந்திரன், சந்திரன் என புகழ்வதும், வெளியேறியவுடன் ஒருமையில் பேசுவதும் என்ன வகையான நாடகம் வைகோ? சுயநினைவுள்ள ஒருவன் செய்யும் காரியங்களா நீங்கள் செய்வது.? 

காங்கிரஸ் ஆட்சியில் இருந்தபோது இந்திய மீனவர்கள் அனுதினமும் செத்துக்கொண்டிருந்தபோதும், கைதாகிக்கொண்டிருந்தபோதும் வெற்றுக்கூச்சல்களையே உங்களால் போட முடிந்தது. கையாலாகாமல் பார்த்துக்கொண்டிருந்தீர்கள். 

இன்றைக்கு மத்தியில் அமைந்துள்ள பாஜக அரசின் கொள்கையால் மீனவர்கள் கைதாவது நின்றும், சுடப்படுவதும், சூறையாடப்படுவதும் நின்றபின்னரும் மத்திய அரசாங்கத்தையும், மோதி ஜியையும் வாய்க்கு வந்தபடி பேசுவது யாரைக்குளிர்விக்க? விசா கொடுங்கள், நாங்கள் சென்று அழைத்து வருகிறோம் எனச் சொல்கிறீர்களே, கைதானவர்கள் அங்கே அவர்களின் பாட்டி வீட்டில் அமர்ந்திருப்பதாக நினைக்கிறீர்களா? 

இலங்கைத்தமிழர் குறித்து உங்களைப்போன்றவர்கள் வாய் திறக்காமல் இருப்பதே அங்குள்ளவர்களுக்கு நல்லது எனவும், இங்கு இருக்கும் இலங்கை அதிகளை திருப்பி அனுப்புங்கள் என திரு.விக்னேஸ்வரன் கேட்கும் அளவில் இருப்பதே இந்தியாவில இலங்கை தமிழர்களுக்காக குரல் கொடுப்பதாக சொல்லும் மக்களின் லட்சனத்தைச் சொல்லும். 

கைது செய்யப்பட்டுள்ள ஐவரும் போதை மருந்து கடத்திய குற்றச்சாட்டுகளில் கைது செய்யப்பட்டோர். உண்மையோ, பொய்யோ, ஆனால் கைதுசெய்திருப்பது ஒரு அரசாங்கம், வழக்கு நடந்து அளிக்கப்பட்ட தீர்ப்பு. இருப்பினும் பொது மன்னிப்பு வாங்கித்தரும் அளவு இந்தியாவுக்கு செல்வாக்கு இருக்கிறது, இது தவறான முன்னுதாரனத்தை ஆரம்பித்து வைக்கும் என்றாலும் எனக்கு மீனவர்கள் திரும்புவதில் மகிழ்ச்சியே. 

இன்றைய சூழலில் காங்கிரஸ் ஆட்சியில் இருந்திருந்தால் என்ன நடந்திருக்கும் என்பதை நான் சொல்லி நீங்கள் தெரிந்துகொள்ள வேண்டிய நிலையில் இருக்க மாட்டீர்கள் என நம்புகிறேன். உங்களிடம் இருக்கும் பெரும் செல்வம் நல்ல தமிழ். அதைக்கொண்டு தமிழகத்தில் தமிழை வளர்க்க பாடுபடுங்கள். தமிழின் உன்னதங்களை மக்களுக்கு எடுத்துச் சொல்லுங்கள். வெற்றுக்கூச்சலை நம்பி ஓட்டுப்போடும் கூட்டமல்ல இன்றைய தமிழ் மக்கள் என்பதை உணர்ந்தால் உங்களுக்கு நல்லது. 

You have lost all your respect and credibility Mr.Vaiko, please go home.... and save your face. People are not as foolish as you think. Need an example? see your election results and political journey.. You have been continuously thrown in the corner for more than a decade.

12.11.2014ல் ஃபேஸ்புக்கில் எழுதியது.

பாரத பிரதமர் திரு. நரேந்திர மோதி பதவி ஏற்பு

திரு.நரேந்திர மோதி மற்றும் அவரது அமைச்சரவை சகாக்களின் பதவி ஏற்பு விழாவின் வீடியோவை முழுதும் இப்போதுதான் கண்டு முடித்தேன்..

முதலில் இத்தனை நாடுகளின் தலைவர்களை ஒன்றிணைத்ததே அவரது மிகப்பெரிய சாதனை. இப்படி ஒரு யோசனையை சொன்னவுடன் நம் மக்கள் எவ்வளவு கேவலமாய் பேசமுடியுமோ அவ்வளவு பேசினர். 

பாக்கிஸ்தான் பிரதமர் வரமட்டார்... இந்த அசிங்கம் தேவையா என அவர்களே ஆருடம் கூறினர். 

எல்லாம் முடிந்து எல்லோரும் சபையை அலங்கரித்தவுடன் இந்தியாவில் இதுவரை நடந்த மிகப்பெரிய விழாக்களில், இந்தியாவுக்கு பெருமை சேர்க்கும் விழாக்களில் ஒன்றாகிப்போனது.

பார்க்கும்போதே எவ்வளவு பெருமையாய் இருந்தது? முதல் வரிசையில் சாமியார்கள் அணிவகுப்பு.. ஸ்ரீஸ்ரீ ரவிசங்கர் அவர்கள் மற்றும் இதர சாமியார்கள் என களை கட்டியிருந்தது.

மந்திரி சபையை இத்தனை சுறுக்கிய பின்னரும் எத்தனை பெண்கள் பதவி ஏற்றனர். பாக்கிஸ்தான் அதிபருக்கும், ஆப்கன் அதிபருக்கும் நிச்சயம் ஆச்சரியமாய் இருந்திருக்கும்..

டாக்டர் நஜ்மா ஹெப்துல்லா மட்டும் குரல் கொஞ்சம் ஓவராய் நடுங்கிவிட்டது.

ஒரு இஸ்லாமியர் தாமரை படம் பொறித்த சட்டையுடன் வந்திருந்து ஆர்வமாய் கவனித்துக்கொண்டிருந்தார்.

மான் வேட்டை மைனருக்கெல்லாம் ஏன் அழைப்பு எனத் தெரியவில்லை.

தமிழகம் அதன் மரியாதையை பொன்.ராதாகிருஷ்ணன் அவர்கள் மூலமும் நிர்மலா சீதாராமன் மூலமும் பெற்றுக்கொண்டது.

இறுதியில் போலோ பாரத் மாதாகி ஜி ஜெய் யும் கேட்டது.

அருமையாக எல்லோரும் வந்து கைகுலுக்கி நட்புகளை பரிமாறிக்கொண்டனர். முகமெல்லாம் பூரிப்பு இருப்பினும் மிக ஜெண்டிலாக நடந்துகொண்டார் மோடி.

இந்தியர் என்பதில் நான் பெருமை கொள்கிறோமா இல்லையோ நிச்சயம் நமது அண்டை நாட்டாருக்குஎப்படிப்பட்ட குழுவுடன் நாம் தொடர்பில், உறவில் இருக்கப்போகிறோம் எனத் தெரிந்திருக்கும்.

பதவி ஏற்கும் முன்னரே தனது கடமையை ஆரம்பித்து அண்டை நாடுகளில் சிறையில் இருந்த மீனவர்களை விடுதலை செய்ய வைத்திருக்கிறார்,.

இது தொடரவேண்டும் என்பதே எனது ஆசை.

இந்தியர் என்பதில் பெருமிதம் கொள்வோம்...

நமது புதிய பிரதமருக்கும் புதிய அமைச்சரவைக்கும் வாழ்த்துகள் ..

தூர்தர்ஷன் இறுதியில் தாமரை மலர்வதைக் காட்டியது.. 

(27 மே 2014ல் எழுதியது)

இஸ்லாமிய அடிப்படைவாதமும் அதன் விளைவுகளும்

ஒரு நாடு முழு இஸ்லாமிய தேசம் ஆகும்போது என்ன ஆகும் என்பதற்கு பாக்கிஸ்தான் ஒரு சிறந்த உதாரனம்..

இஸ்லாமியராய் இருந்தாலும் ஷியாவாய் பிறந்ததற்கு கொல்லப்பட்டவர்கள் அநேகம்.


//Jinnah made a mistake and I am ashamed of being a Pakistani. I am ashamed that I belong to a country that kills human rights lawyers and sitting governors, and issues death threats to university professors. I am ashamed that we cannot protect our women and children, and we cannot protect our men from the evil that is extremism and fundamentalism.

“Last year a polio worker was killed in Peshawar, and another shot dead in Khyber agency. Several were kidnapped in Bara. In January this year, gunmen killed five health workers taking part in a polio vaccination drive in Karachi. The highest refusal rates for polio vaccination were recorded in Karachi, because the people there have “little faith in public healthcare.” In North Waziristan, the Tehreek-e-Taliban Pakistan has forbidden vaccination since several years.

“Everything that is reported about Pakistan is about death, destruction, squabbling politicians, ailing children, extremists blowing up things, and a struggling economy.

“I raise my eyes to our neighbouring country, India. What would have happened if we were united? Maybe we would be polio free too. We share with our Indian brothers not only our DNA. Our food, language, clothes, lifestyles, etc are more like them than the Arabs we so badly want to mimic and ape.

Pakistan is a fledgling and failed state.”//

மேலே சொன்னதுதான் நடக்கும் இந்த அடிப்படைவாத கும்பல்கள் பலம் பெற்றால்..

இன்றைக்கும் தொழுகைக்குச் செல்லும் கூட்டங்களில் காலை எவ்வளவு தூரம் அகட்டி வைக்க வேண்டும், விரலை ஆட்டனுமா வேண்டாமா, தாடி வைத்தவன் மட்டும்தான் முஸ்லிம் என்ற அளவில் கூட்டங்கள் பெருகி வருகிறது.

பாக்கிஸ்தானை பார்த்தாவது தங்களை திருத்திக்கொள்ளாத கூட்டங்கள் அவசியம் திருத்தப்பட வேண்டும், நாளைய நமது சந்ததிகளுக்காகவும், சாதாரன இஸ்லாமியனின் சுதந்திரத்தை இந்த வெறிபிடித்த கூட்டத்திடமிருந்து காப்பாற்றவும்...

http://www.thehindu.com/opinion/op-ed/the-dangers-of-a-nonsecular-state/article6082666.ece

( ஈரோட்டு ராமசாமி நாயக்கர் பற்றியும், தி,க பற்றியும் எழுதி இருந்த பத்தியை எடுத்துவிட்டேன். இந்த இடத்தில் நான் எழுதிய குற்றச்சாட்டு பொருந்தாது என்பதால்)

The dangers of a non-secular state

www.thehindu.com

Given the tremendous diversity in the Indian subcontinent, only a secular state is feasible

2014 குடியரசுத்தலைவர் உரையின் தொகுப்பு

இன்றைய குடியரசு தலைவரின் உரையை முழுதும் படிக்காதவர்கள் அவசியம் படியுங்கள் என்பேன். 

நீண்ட காலத்துக்கு பிறகு தன்னம்பிக்கை மிளிரும், நாட்டின் எல்லாத்தரப்பு மக்களையும் உள்ளடக்கிய, வளர்ச்சியை மட்டுமே பேசும், சவால் விடாத, அண்டை நாட்டினரை தூண்டிவிடாத, வேறுவகையில் சொன்னால் அண்டை நாட்டு மக்களுக்கு நமக்கு இப்படி ஒரு அரசு அமையாதா என ஏங்க வைக்கும் உரை.

கல்வியை ஊக்குவிப்பதில், ஐஐடிகளை மாநிலத்துக்கு ஒன்றாய் நிறுவ திட்டங்கள்..

தொலைதூரக்கல்வி.தொலைதூர வாசகசாலைகள்,

இளைஞர்களுக்கான வேலைவாய்ப்புகளை உருவாக்க புதிய புதிய திட்டங்கள்.

மாநிலங்களுடன் இணைந்த வளர்ச்சி திட்டங்கள் தீட்டப்படும். (மத்திய அரசு மாநில அரசுகளுக்கு உத்தரவிட்டுக்கொண்டிருந்த காலம் போய் இணைந்து செயல்பட திட்டங்கள்)

விவசாயிகளின் வாழ்க்கைத்தரத்தை உயர்த்த, கட்டுபடியாகும் விலை கிடைக்க, விளை பொருட்களை சேமிக்க, அதை தொலைதூரங்களுக்கு கொண்டு செல்ல தனி ரயில் பாதைகள், ரயில்கள்

கிராமங்களிலும் நகரங்களில் கிடைக்கும் வசதிகளை தருதல் இதன் முக்கிய விளைவாக நகரங்களுக்கு மக்கள் குடிபெயர்தல் தவிர்க்கப்படும்.

எல்லா கிராமப் பள்ளிகளுக்கும் இண்டர்நெட் வசதியுடன் இணைக்கப்படும்.

கருப்புப் பணத்தை மீட்க குழு அமைக்கப்பட்டு விட்டாலும் வெளி நாடுகளுடன் தீவிரமாக தொடர்பு கொண்டு துரிதமாக மீட்க நடவடிக்கை

நீதித்துறையில் காலியிடங்கள் உடனடியாக நிரப்பப்படும். தற்போதைய நீதிமன்றங்களின் எண்ணிக்கை படிப்படியாக இருமடங்காக்கப்படும்.

இளைஞ்சர்களுக்கு வேலைவாய்ப்பை வழங்கும் வெளிநாட்டு முதலீட்டுத்திட்டங்களுக்கு முன்னுரிமை.

நாட்டின் 75வது சுதந்திர தினத்துக்குள் நாட்டின் எல்லா மக்களுக்கும் 24 மணி நேர மின்சாரம், கழிவறை வசதிகள், தண்ணீர் இணைப்புடன் கூடிய,உறுதியான வீடுகள், கட்டித்தரப்படும்.

ராணுவ வீரர்களின் நலன் பேணப்படும் ஒரு ரேங்க், ஒரு பென்சன் என்ற திட்டம் அமல்படுத்தப்படும். அவர்களுக்கென ஒரு தனி கமிஷன் அமைக்கப்படும்.

ப்ராண்ட் இந்தியா - பாரம்பரியம்,(Tradition) திறன், (Talent) சுற்றுலா ( Tourism), வணிகம், (Trade) தொழில்நுட்பம் (Technology) இந்த 5 விஷயங்களைக் கொண்டு கட்டமைக்கப்படும்.

இது தவிர பல்வேறு மொழிகளில் இருக்கும் இலக்கியங்களை எல்லோருக்கும் கிடைக்கும்படி செய்ய ஈ பாஷா (E Basha)

ஆண்டு முழுதும் தண்ணீர் ஓடும் சுத்தமான கங்கையை உருவாக்க அரசாங்கம் முழு முயற்சி எடுக்கும்.

இருக்கும் துறைமுகங்களை நவீனப்படுத்தப்படும், உலகத்தரத்துடன் புதிய துறைமுகங்கள் கட்டப்படும். அனைத்து துறைமுகங்களையும் இணைக்கும் வகையில் சாலை மற்றும் ரயில் கட்டமைப்புகளும் உருவாக்கப்படும்.

அதிவேக ரயில்திட்டங்கள் Diamond
Quadrilateral project of high speed trains.என்ற பெயரில் செயல்படும்.

தொழில், விவசாயம், வேலைவாய்ப்பு, நகர கட்டமைப்பு, உள்நாடு பாதுகாப்பு, இந்தியாவின் கிழக்கு பகுதி மேம்பாடு, ஆராய்ச்சி மற்றும் மேம்பாடு, ராணுவம், அண்டை நாடுகள் மற்றும் உலக நாடுகளுடனான உறவு இப்படி எல்லா விஷயங்களையும் உள்ளடக்கிய மிக அருமையானதொரு உரை.

நிச்சயம் இதைச் செய்து முடிக்கும் தைரியமும், தொலைநோக்குப் பார்வையும், அதற்குண்டான வழிகாட்டுதலும் உடைய நமது பிரதமர் திரு. நரேந்திர மோதி அவர்கள் இந்த உரையில் சொல்லப்பட்டுள்ள அனைத்தையும் செய்து முடிப்பார் என நம்பலாம்.

முழுவதையும் ஆங்கிலத்தில் படிக்க கீழே உள்ள இணைப்பை சொடுக்கவும்.

http://www.pmindia.gov.in/President_Address.pdf

A CM who never respects the law of the land - கேஜ்ரிவால்

Date : 21.01.2014

நம் நாட்டின் தலைநகர் இன்றைக்கு காங்கிரஸ் மற்றும் ஆம் ஆத்மி கட்சியின் அர்விந்த்

கேஜ்ரிவால் கும்பல்களால் சிறைப்படுத்தப்பட்டுள்ளது. 

குடியரசு தினவிழா நடைபெறப்போகும் இந்த வேளையில் இந்த நாடகத்தை அரங்கேற்ற அர்விந்த் கேஜ்ரிவால் தேர்ந்தெடுத்திருப்பது இஸ்லாமிய பயங்கரவாதிகளினால் டெல்லியில் பேரழிவு ஏற்படுத்த வழி எற்படுத்தவே என்ற சந்தேகம் எழுகிறது. காங்கிரஸ் தனது ஆதரவை வாபஸ் வங்கிக் கொண்டு கேஜ்ரிவாலை சிறையில் அடைத்து இந்த ரவுடித்தனத்திற்கு முற்றுப்புள்ளீ வைக்க வேண்டும். ஆனால் அறிக்கைப்போர் விட்டுக்கொண்டிருக்கின்றனர்.

நீதிமன்றங்களும், முப்படைகளின் தளபதியான ஜனாதிபதியும் என்ன செய்கிறார்கள் என தெரியவில்லை. நேற்று பேய்ந்த மழையில் முளைத்த காளான் நம் நாட்டின் தலைநகரின் பாதுகாப்பையே கேள்விக்குள்ளாக்கிக் கொண்டிருக்கும்பொதுகூட செயலபட மாட்டார்கள் என்றால் நம்மை விட அழுகிப்போன ஜனநாயகம் வேறு இருக்காது.

அர்விந்த் கேஜ்ரிவாலின் குடியரசு தின விழா குறித்த கருத்து அவர் உண்மையில் எந்த நாட்டு உளவாளி என்ற சந்தேகம் வலுக்கிறது. வழக்கமான தேசத்துரோகிகளான கம்யூனிஸ்ட்டுகளும், அடிப்படைவாத இஸ்லாமிய கும்பல்களும், நக்சல்பாரிகளும் பேசும் பேச்சை அர்விந்த் கேஜ்ரிவால் பேசிக்கொண்டிருக்கிறார்.

இன்னொரு பம்பாய் நிகழ்வை நடப்பதற்கான அனைத்து சாத்தியங்களையும் உருவாக்கிக் கொடுத்திருக்கிறது ஆம் ஆத்மியும், அதன் தலைவர் கேஜ்ரிவாலும் மற்றும் இதை நடக்க விட்டு வேடிக்கை பார்க்கும் காங்கிரஸும்.

இருக்குடா உங்களுக்கெல்லாம் ஆப்பு... இன்னும் கொஞ்ச நாள்தான்..

கத்தார் - காஃபில் முறை எனும் அறிவிக்கப்படாத அடிமைமுறை

கத்தாரில் வேலை செய்வோர் எந்த படிப்பு படித்து எந்த வேலை செய்பவராய் இருப்பினும் இந்த கெஃபலா சிஸ்டத்தால் அறிவிக்கப்படாத அடிமையே. 

உங்களிடம் டிக்கெட், பாஸ்போர்ட் இருந்தாலும் உங்களின் ஸ்பான்ஸர் அனுமதியின்றி நாட்டைவிட்டு வெளியேற முடியாது. 

அருகிலிருக்கும் ஓமான், அமீரகம், பஹ்ரைன் எல்லாம் இந்த கேஃபாலா முறையின்றியே நடந்துகொண்டிருக்க இன்னும் கத்தாரும் இதைப்பிடித்து தொங்கிக்கொண்டிருப்பது ஏன் எனத்தெரியவில்லை.

சவுதியும், குவைத்தும்கூட இந்த சிஸ்டத்தை வைத்திருந்தாலும் அவர்களையெல்லாம் நாடுகளாய்க்கூட கருத இயலாது. அவர்களெல்லாம் உலக நீரோட்டத்தில் கலந்து கொள்ள தயாராகும்போது மற்ற நாடுகள் எல்லாம் எங்கோ போய்விட்டிருக்கும்.

இந்த செய்தி ஒரு கால்பந்து வீரனை இந்த கேஃபாலா சிஸ்டத்தின் மூலம் 2 ஆண்டுகளாக நாட்டைவிட்டு வெளியேற முடியாமல் வைத்திருக்க முடிகிறது.

2022ல் உலககோப்பை கால்பந்து போட்டியை நடத்த தேர்வாகியிருக்கும் கத்தார் நாடுதான் இதை ஒரு கால்பந்து வீரனுக்கு செய்துள்ளது என்பது என்ன ஒரு நகைமுரன்?

http://www.aljazeera.com/news/middleeast/2013/11/qatar-accused-abusing-footballer-rights-20131113163616157721.html

சாலைகளால் ஏழைகளுக்கு என்ன பயன்? ராகுல் காந்தியின் முத்து

”Roads are lifeline of a country” என்று சொன்னவர் காங்கிரஸைச் சேர்ந்த சிதம்பரம். அந்த கட்சியில் இருந்து இப்படி ஒரு உளரல்.. இவர்தான் நாளைய பிரதமரா? கடவுள்தான் இந்தியாவைக் காப்பாற்ற வேண்டும்.

ரா ”கில்”காந்திக்கு அடுத்தடுத்த மேடைகளில் பேச சில பாயிண்ட்டுகள்..

01) அரசு மருத்துவமனைகளால் என்ன பயன்? ஏழைகளுக்கு சரியான வசதிகள் கிடைக்காத அந்த மருத்துவமனைகளை மூடுவதே நல்லது.. 

02) அரசு போக்குவரத்துக்கழகங்களால் என்ன பயன்? காசே இல்லாத ஏழைகள் அதில் ஏறவே முடியாதே.. வெறும் பணக்காரர்கள் பயன்படுத்தவா பேருந்துகள்?

03) வீடே இல்லாமல் ஏழைகள் இருக்கும் போது மின்சாரத்தை வைத்துக்கொண்டு ஏன்ன செய்வது? குஜராத மின்மிகை மாநிலமாம்.. நான் கேட்கிறேன், மின்சாரத்தைக் கொண்டு ஏழைகளுக்கு என்ன பயன் என்று?

இப்படி தொடர்ச்சியாக முத்துக்களை உதிர்த்துக்கொண்டே செல்ல வேண்டும் என எங்கள் எதிர்கால பிரதமர், இத்தாலிய கோமான்.. சீ, இந்திய ஏழைகளின் ரட்சகர், ராவுல் வின்ஸி என்ற ராகுல் காந்தி(?) யை வேண்டி விரும்பி கேட்டுக்கொள்கிறேன்.. அண்ணன் ராக்கூழ் வாழ்க,

இவண், ராக்கூழ் என்ற ராகுல் காந்தியின் விழுது...

http://www.dinamalar.com/news_detail.asp?id=854340

உங்களுடன் உறுதியுடன்... (நமோ பாடல்..)

உங்களுடன் உறுதியுடன்... (நமோ பாடல்..)

(நரேந்திரபாய் மோடியைப் புகழும் வீடியோ ஒன்று அவரது ரசிகர்களால் தயாரிக்கப்பட்டுள்ளது. அதன் மொழியாக்கம் கீழே. வீடியோவும் இணைக்கப்பட்டுள்ளது)

10 ஆண்டுகளாக உங்கள் மீது சேற்றை வாரி இறைத்தனர்...

ஆனால், நாங்கள் உங்களுடன் உறுதியாய் நிற்கிறோம்...

10 ஆண்டுகளாக உங்கள் மீது பொய்களை பரப்பினார்கள்...

ஆனால், நாங்கள் உங்களுடன் உறுதியாய் நிற்கிறோம்...

10 ஆண்டுகளாக உங்களுக்கு எதிராக ஊடகங்களை வைத்து தாக்குதல்...

ஆனால், நாங்கள் உங்களுடன் உறுதியாய் நிற்கிறோம்..

நீங்களே (எங்களின்) நம்பிக்கை...

நீங்களே (எங்களின் ) எதிர்காலம்...

நாங்கள் உங்களுடன் உறுதியாய் நிற்கிறோம்...

உங்களுடன் உறுதியாகவும், முழுமையாகவும்.... (நிற்கிறோம்)

உண்மையுடன்..

வளர்ச்சியுடன்...

எதிர்காலத்துடன்...

மேம்பாட்டுடன்... (நிற்கிறோம்)

சிங்கங்களின் நிலத்திலிருந்து...

ஒரு சிங்கம்.. இந்தியாவுக்கும், உலகுக்குமான ஒரு பரிசாக...

உறுதியாக உங்களுடன்...

https://www.youtube.com/watch?feature=player_embedded&v=1vBDpEtzCK8

Narendra Modi: 'Solidly with you' Singham Lezim mix

Singham Narendra Modi: Solidly with you A video made by the fans of Narendra Modi

நான் பத்தாப்புப் படிச்சதை இன்னிக்குப் படிப்பவர்களுடன் ஒப்பிட்டு திரும்பிப் பார்க்கிறேன்

இன்றைக்கு தினமலரில் ஒரு செய்தி

4.கழிப்பறையில் குழந்தை பெற்ற மாணவி ராமநாதபுரம் கல்வி அதிகாரி விசாரணை

ராமநாதபுரம் : ராமநாதபுரம் பள்ளி கழிப்பறையில் பத்தாம் வகுப்பு மாணவி ஒருவர் பெண் குழந்தை பெற்றது குறித்து விசாரணை நடத்த, மாவட்ட கல்வி துறை அதிகாரி தலைமையில் விசாரணை குழு அமைக்கப்பட்டுள்ளது.
ராமநாதபுரத்தில் தனியார் பெண்கள் மேல்நிலை பள்ளியில் பத்தாம் வகுப்பு படிக்கும் மாணவி சுரிதா (மாணவி நலன் கருதி பெயர் மாற்றப்பட்டுள்ளது) . இவர் கடந்த சில தினங்களுக்கு முன் பள்ளி கழிப்பறையில் யாருடைய உதவியுமின்றி தானாக குழந்தை பெற்று, கழிப்பறையில் போட்டுவிட்டு சென்றார். குழந்தையின் அழுகுரல் கேட்டு மற்ற மாணவிகள் கூறியதை தொடர்ந்து , கழிப்பறையில் உயிருக்கு போராடிய பச்சிளம் பெண் குழந்தையை ஆசிரியர்கள் மீட்டனர். பள்ளி நிர்வாகத்தினர் கல்வி துறை அதிகாரிக்கே தெரியாமல் ,மாணவியின் பெற்றோரிடம் மாணவி மற்றும் பச்சிளம் குழந்தையை ஒப்படைத்து, மாணவியின் பள்ளி டி.சி.,யையும் வழங்கினர். தகவல் வெளியே தெரிந்ததை தொடர்ந்து ,மாவட்ட முதன்மை கல்வி அதிகாரி பாலசுப்பிரமணியம் உத்தரவின்படி, பள்ளியில் நடந்த சம்பவம் குறித்து விசாரிக்க மாவட்ட கல்வி அதிகாரி ஹெப்சிபா பியூலா ஜெயராணியை விசாரணை அதிகாரியாக நியமித்துள்ளனர்.
மாவட்ட கல்வி அதிகாரி கூறியதாவது: தலைமை ஆசிரியை, ஆசிரியர்கள், மாணவிகள் என அனைத்து தரப்பிலும் விசாரணை நடத்தினேன். சம்பவம் நடந்த தினத்தில்,"" மாணவி உடையில் அதிக ரத்தம் இருந்ததால் ஆசிரியர்கள் மாதவிலக்கு அதிகமாக போயிருக்கலாம்,'' என, கருதி மாணவிக்கு தேவையான நாப்கின் வழங்கி உரிய உதவி செய்துள்ளனர். முதலில் மாணவிக்கு ரத்தபோக்கு அதிகமாகியிருக்கிறது என்றுதான் அனைவரும் நினைத்துள்ளனர். குழந்தை பெற்றிருப்பார் என யாரும் நினைத்துகூட பார்க்கவில்லை . குழந்தையின் அழுகுரல் கேட்டதை தொடர்ந்துதான் ஆசிரியர்களுக்கே தெரியவந்துள்ளது.இதன் விசாரணை அறிக்கை கல்வி துறை அலுவலகத்திற்கு அனுப்பி வைக்கப்படும், என்றார்.
குழந்தையை காப்பாற்றிய ஆசிரியர்கள் : மாணவி பெற்ற பெண் குழந்தை சிவப்பு நிறந்தில் அழகாக இருந்துள்ளது. குழந்தையை பெற்ற மாணவியோ, செய்வதறியாமல் பெற்ற பச்சிளம் குழந்தையை கழிப்பறை ஓட்டையில் திணித்து விட்டு வந்துள்ளார். அழுகுரல் கேட்டு மற்ற மாணவிகள் கூறிய தகவலை தொடர்ந்து, ஓடிவந்த ஆசிரியர்கள் ஆறு பேர் துரிதமாக செயல்பட்டு கழிப்பறையில் உயிருக்கு போராடிய குழந்தையை காப்பாற்றி முதலுதவி வழங்கினர். ஆசிரியர்களின் துரிதநடவடிக்கையால் பச்சிளம் குழந்தை காப்பாற்றப்பட்டது. "" மாணவியின் நிலைக்கு யார் காரணம்,'' என, வெளியே சொல்ல மாணவி மறுத்துவருகிறார் என கூறப்படுகிறது. மாணவியை ஏமாற்றியவரை கண்டுபிடித்து கடும் தண்டனை வழங்க போலீசார் நடவடிக்கை எடுக்க வேண்டும்

முதலில் இந்தப் பெண்ணைப் பெற்றோருக்கு மகளைப்பற்றி எவ்வளவு அக்கறை இருந்திருக்கும்? இப்படி ஒரு குழந்தையைச் சுமந்து கொண்டிருக்கிறாள் என்பதுகூட அறிய முடியாத அளவு..

அடுத்த அதிர்ச்சி, பத்தாம் வகுப்புப் படிக்கும்பெண் உடலுறவில் ஈடுபட்டுவிட்டு எந்தவிதக் குற்ற உணர்ச்சியுமின்றி கடந்த 10 மாதங்களாக இருந்திருக்க முடிந்திருக்கிறது.

இந்தப் பெண் பெற்றோரிடம் கூறியிருந்தாலாவது இந்த அவமானத்தையாவது தடுத்திருக்கலாமே? எது தடுத்திருக்கும்? பிள்ளையைப் பெற்று தூக்கி எறிந்துவிடலாம் என்ற தைரியமா?

இப்போதெல்லாம் பள்ளியில் படிக்கும் குழந்தைகளின் நிலைமையை நினைத்தால் பாவமாக இருக்கிறது. போட்டியான உலகில் அதிக மதிப்பெண்கள் பெற ஒரு குழு தன்னார்வத்தாலோ அல்லது பெற்றோர்களின் வற்புறுத்தலாலோ ஓடிக்கொண்டிருக்க, இப்படி ஒரு குழு எதிர்காலத்தை தனது வயதிற்குப் பொருந்தாத செயல்கள்மூலம் வாழ்க்கையை வீணடித்துக்கொண்டிருக்கிறது.

ஆசிரியர்களுக்கு தன்னிடம் படிக்கும் குழந்தைகளின் ஜாதகமே தெரிந்திருந்தது நாங்கள் படிக்கும் காலங்களில். இத்தனைக்கும் ஐந்தாம் வகுப்பு ஆசிரியை எனில் எல்லாப் பிரிவுகளுக்கும் ( அ பிரிவு முதல் ஊ பிரிவு வரை) அவர்தான் கணிதமோ, அறிவியலோ எடுப்பார். அப்படியிருந்தும் அது சாத்தியமானது. ( சுப்பையா மகந்தானடா நீயி? நாளைக்கு உங்கப்பாவக் கூப்டுட்டு வா)

இதுபோன்ற வருத்தம் தரும் நிகழ்வுகளுக்கு பெற்றோர்களின் செல்லம் ஒரு பங்கு எனில் ஊடகங்களின் பங்கு முக்கால் பங்கு. காலைமுதல் மாலைவரை ஓடும் பாடல் நிகழ்ச்சிகளின் கீழே பார்த்திருக்கிறீர்களா? ரம்யா ஐ லவ் யூ - அய்யப்பன், சுப்பு, மீட் மி அட் அவர் ப்ளேஸ் என ஓட விடுவதன்மூலம் டி.ஆர்.பி ரேட்டிங்கோ, காண்போர்களை தக்க வைக்கவோ முயல்கிறது ஊடகங்கள். ஆனால் சமூகத்திற்கு எவ்வளவு பெரிய கெடுதலைச் செய்கிறோம் என உணர்வதேயில்லை. உண்மையில் காதலிப்பவர்கள் இப்படி டி.வியில் ஓட விட்டா காதலிப்பார்கள்?. எதையும் செய்துபார்க்கத் துடிக்கும் இளைய தலைமுறையை இப்படியா வீணடிப்பது?

தினமலர் கொஞ்சமவது பொறுப்புனர்ச்சியுடன் நடந்து கொண்டிருக்கிறது. இல்லையெனில் பத்திரிக்கையை விற்பதற்காக அந்த பெண்ணின் புகைப்படத்தைக்கூட போடத்தயங்க மாட்டார்கள் சில வியாபாரிகள்.

சமீபத்தில் பள்ளியை விட்டு வெளியேவந்தபோது கூட மாணவர்களின் தரம் ஓரளவு நன்றாய் இருந்தது ( 1992). இன்றைய நிலையை நினைத்துப்பார்க்கவே அச்சமும், மலைப்புமாய் இருக்கிறது, வயதுக்கு வந்த குழந்தைகளை வைத்திருக்கும் பெற்றோர்களை நினைக்கையில்.

நன்றி: தினமலர்.