RED (Retired Extremely Dangerous) என்றொரு படம் பார்த்தேன் இன்றைக்கு. சி.ஐ ஏவில் இருந்து ரிடையர்ட் ஆன ஒருவரை கொல்ல நினைக்கிறது அரசு. அவருடன் நட்பில் இருக்கும் பெண்னையும் சேர்த்து போட்டுத்தள்ள இருப்பது ஹீரோவுக்கு தெரிய அதிலிருந்து எப்படி தப்பிக்கிறார் என்பதை செமையாக சொல்லி இருக்கிறார்கள். இதில் நோண்ட ஆரம்பிக்கும்போதுதான் பெரிய லிஸ்ட்டையே ஒருவர் போட்டுக்கொடுக்க அதன் வரிசைப்பிரகாரம் ஒவ்வொருவராய் மரணமடைந்தது தெரிய வருகிறது. அதன் மூலத்தைக் கண்டுபிடித்து காரனகர்த்தாவான அமெரிக்க துனை அதிபரின் கதையை முடிப்பதில் படம் முடிகிறது. மோர்கன் ஃப்ரீமேன் ஒரு ஆள்தான் எனக்கு தெரிந்தவர். மற்றவர்கள் எல்லாம் பரிச்சயம் இல்லை. இதுபோன்ற படங்களில் படம் ஆரம்பத்திலிருந்து 1.30 மணி நேரம் நம்மை விடாமல் பார்க்க வைக்கிற திறமைதான் ஆச்சரியப்படுத்துகிறது. அடுத்தடுத்த திருப்பங்கள், செய்யசாத்தியமற்றதைச் செய்ய முயன்று அதற்கு கூட்டணி அமைத்து செய்து முடிப்பதிலும், அரக்கத்தனமான சண்டையைக்கூட ஸ்டைலாக செய்து முடிப்பதிலும் கலக்குகிறார்கள். படம் எனக்கு மிகப் பிடித்துப்போயிற்று. ஆனால், எப்படிச் சொல்வது எனத்தெரியவில்லை. பலமாதங்களுக்கு முன்னர் பார்த்த படம்தான், ஆனால், இன்றைக்கும் அதே சுவாரசியத்துடன் பார்க்க முடிந்தது.
